www.bbcmirror.lk
www.Lankawebnews.lk
මාධ්යවේදීනි ෆාතිමා සෆාන්
විනිසුරුවරුන්ගේ විශ්රාම යෑමේ වයස දීර්ඝ කිරීමට අදාළව යෝජිත ආණ්ඩුක්රම ව්යවස්ථා සංශෝධන පනත් කෙටුම්පතට එරෙහිව ඉදිරිපත් වන ඕනෑම නීතිමය අභියෝගයක් විභාග කිරීම සඳහා සාමාජිකයන් 11 දෙනෙකුගෙන් යුත් පූර්ණ ශ්රේෂ්ඨාධිකරණ විනිසුරු මඬුල්ලක් පත් කරන ලෙස සමගි ජන බලවේගයේ පාර්ලිමේන්තු මන්ත්රී අජිත් පී. පෙරේරා අගවිනිසුරුවරයාගෙන් ඉල්ලා සිටියේය.
පාර්ලිමේන්තුව අමතමින් ඔහු පෙන්වා දුන්නේ, මෙම යෝජිත සංශෝධනය පාර්ලිමේන්තුවේ තුනෙන් දෙකක බහුතරයකින් පමණක් සම්මත කළ නොහැකි අතර, ඊට ජනමත විචාරණයකදී ජනතාවගේ අනුමැතිය ද හිමිවිය යුතු බවයි.
අධිකරණයේ ස්වාධීනත්වයට අදාළ ආණ්ඩුක්රම ව්යවස්ථාවේ 107 සහ 108 වගන්ති, මූලික අයිතිවාසිකම් පිළිබඳ III පරිච්ඡේදය සමඟ සසඳා කියවිය යුතු බවත්, එම වගන්තිවලට බලපෑම් කෙරෙන ඕනෑම සංශෝධනයකට පාර්ලිමේන්තු තුනෙන් දෙකක බහුතරය මෙන්ම ජනමත විචාරණයක අනුමැතියද අනිවාර්ය බවත් මන්ත්රීවරයා ප්රකාශ කළේය.