www.bbcmirrormedia.com
www.sfmnewslk.com
www.asianewsplusone.com
www.Lankawebnews.lk
S.Anil De Silva
මහනුවර ධර්මරාජ විදුහලට අයිති දැනට ශ්රි ලංකා යුධ හමුදාවේ සංඥා බලකා කදවුරක් පවත්වාගෙන යන භූමිය යළි පාසලට පවරා දෙන ලෙස ඉල්ලා ධර්මරාජ විදුහල් ආදි ශිෂ්ය සංගමය ජනාධිපති අනුර කුමාර දිසානායක මහතා වෙත හා අධ්යාපන ඇමති හරිනි අමරසූරිය මහත්මිය වෙත ඉල්ලීමක් කර ඇති බව වර්තා වෙනවා
පසුගියදා ඇති වූ දිට්වා විනාශයෙන් පාසලේ භූමියට හා ගොඩනැගිලි වලට තර්ජනයක් එල්ල වී ඇති බවත් පාසලට අයත් යාබද මෙම භූමිය යළි ලබා දීම තුලින් සිසුන් විශාල පිරිසක් අධ්යාපනය හදාරන පාසලේ මතු පැවැත්ම සුරක්ෂිත වන බවද එම සංගමය ජනාධිපතිවරයාට හා අගමැතිනියට යැවූ ලිපියේ සදහන් වේ.
රණසිංහ ප්රේමදාස මහතා ජනාධිපති වරයා ලෙස කටයුතු කරන සමයේ මෙම භූමිය වසර අනූ නම අවුරුදු බදු පදනම යටතේ මහනුවර ධර්මරාජ විදුහලට පවරා දී ඇත්තේ පාසල පිහිටා ඇති කඳු සහිත භූමියේ ගොඩනැගිලි සදහා ප්රමාණවත් ඉඩකඩ නොමැති බවට හඳුනා ගැනීම නිසාය.ඉන් පසුව රනිල් වික්රමසිංහ මහතා අධ්යාපන ඇමැතිවරයා හා යොවුන් සේනාංකය භාරව කටයුතු කළ සමයේ යළි ලබාදෙන පදනම යටතේ පවරා ගෙන තිබූ මෙම භූමිය පසුව රටේ පැවැති යුද වාතාවරණය හේතුවෙන් ශ්රි යුධ හමුදාවේ සංඥා බලකායේ කදවුරක් පවත්වාගෙන යාමට ලබා දී ඇත.
කෙසේ වෙතත් මේ වන විට රටේ යුද වාතාවරණයක් නොමැති වීමත් සිසුන් හය දහසක් පමණ ඉගෙනුම ලබන සීමිත පාසල් භූමිය වර්තමානයේ පාසල් කටයුතු සදහා ප්රමාණවත් නොවීමත් යන කරුණු හා පසුගියදා ඇති වූ දිට්වා ආපදාවෙන් කඳු සහිත පාසල් භූමියට සිදු වී ඇති හානිය සැලකිල්ලට ගෙන කඩිනමින් අදාළ භූමිය යළි ධර්මරාජ විදුහලට යළි පවරා දෙන ලෙස එම සංගමය සිය ලිපියෙන් වැඩිදුරටත් ඉල්ලා සිටී.
