නීතිවිරෝධී වැලි ජාවාරම මැඩලීම, වැලි කැණීම් බලපත්ර නිකුත් කිරීම සහ වැලි මිල පාලනය සම්බන්ධයෙන්, නිලධාරීන් හා වැලි ව්යාපාරිකයින් අතර මන්නාරම දිස්ත්රික් ලේකම් කාර්යාලයේදී ඊයේ (10) පැවති විශේෂ සාකච්ඡාවකින් අනතුරුව මෙම තීරණය ගෙන ඇති බව සඳහන් වේ.
වැලි කැණීම් බලපත්ර නිකුත් කිරීම නව නීති මාලාවක් ඔස්සේ සිදු කරන බව මේ සම්බන්ධයෙන් අදහස් දක්වමින් දිස්ත්රික් සංවර්ධන කමිටු සභාපති, නියෝජ්ය අමාත්ය උපාලි සමරසිංහ මහතා පැවසීය.
”වැලි හිමියන්ගේ පැත්තෙන් එයාලාගේ ගැටලු, අදහස්, යෝජනා මතු වුණා.. වැලි මිල පාලනය කිරීම සඳහා අළෙවි කිරීමේ දී දිලිඳු පවුල් සඳහා නිවාස සෑදීමට රුපියල් 50,00කට වැලි කියුබ් 3ක් ලබාදීමටත්, රජයේ ඉදිකිරීම් සඳහා වැලි කියුබ් 3ක් රුපියල් 65,000කට ලබාදීමටත්, අනෙකුත් ප්රාදේශීය ලේකම් කොට්ඨාශ සඳහා කිලෝමීටරයකට රුපියල් 350ක ගාස්තු වැඩිවීමක් ලබා දෙන ලෙස ඉල්ලා සිටියා..
එමෙන්ම බලපත්ර ලබා දීමේ දී මේ සඳහා වූ නීතිමය කාරණා යම් ප්රමාණයක් අලුතින් කෙටුම්පත් කරලා තියෙනවා.. ඒ අනුව බලපත්ර නිකුත් කිරීමේ දී දිස්ත්රික් ලේකම්වරයාගේ අවසාන නිගමනය සහ අධීක්ෂණය යටතේ බලපත්ර ලබා දීම සඳහා අලුතින් නීතිමාලාවක් සකස් කරන බවට ඇමතිතුමා සහ භූ විද්යා දෙපාර්තමේන්තුවේ අධ්යක්ෂවරයා ප්රකාශ කළා.. ඒ අනුව අපි හිතනවා බලපත්ර ලබා දීමේ දී විධිමත් භාවයක් හැදෙයි කියලා..”