www.bbcmirror.lk
www.Lankawebnews.lk
රටක ආර්ථිකය, ජනජීවිතය සහ දෛනික ගමනාගමනය සෘජුවම බලපාන ප්රධාන සම්පතක් වන්නේ ඉන්ධනයි. එය නිසි ලෙස බෙදාහැරීම සඳහා හඳුන්වා දුන් National Fuel Pass QR පද්ධතිය මුලින්ම හඳුන්වා දුන්නේ සාධාරණ බෙදාහැරීමක් ඇති කිරීමටයි. එහෙත් අද වන විට මෙම පද්ධතිය භාවිතා කිරීමේදී ජනතාව මුහුණ දෙන ගැටලු ප්රමාණය වැඩිවෙමින් පවතී.
විශේෂයෙන්ම පරණ වාහනයක් ඉවත් කර නව වාහනයක් ලියාපදිංචි කිරීමේදී හෝ වාහන තොරතුරු යාවත්කාලීන කිරීමේදී බොහෝ දෙනාට QR කේතය ලබාගැනීම හෝ වෙනස් කිරීම දැඩි අපහසුතාවයක් බවට පත්ව ඇත. මේ හේතුවෙන් රට පුරා විශාල වාහන ප්රමාණයක් භාවිතයෙන් තොරව නතරවී තිබේ.
ඉන්ධන නොලැබීම නිසා රියදුරන්, ව්යාපාරිකයන්, සේවකයන් සහ දෛනික ජීවිතය පවත්වාගෙන යන සාමාන්ය ජනතාව සියලුදෙනාම දැඩි මානසික පීඩනයකට මුහුණ දී සිටින බව අද පැහැදිලිව දක්නට ලැබේ.
මෙය දේශපාලනික ප්රශ්නයක් ලෙස නොව, ජනතාවගේ ජීවන ප්රශ්නයක් ලෙස රජය විසින් අවබෝධ කරගත යුතුය. අද රටේ ජනතාව චන්දය දුන්නද ? නොදුන්නද ? ඉන්ධන සහ සේවා ලබා ගැනීමේ ගැටලු හේතුවෙන් නොසතුටින් සිටින බව සමාජයේ බොහෝ ස්ථානවලින් අසන්නට ලැබේ.
තාක්ෂණික පද්ධතියක් හඳුන්වා දීම යහපත් කටයුත්තක් වුවද, එය භාවිතා කළ හැකි සමාජ පසුබිම සහ ජනතාවගේ හැකියාවන් ද සලකා බැලිය යුතුය. ග්රාමීය ප්රදේශවල සිටින බොහෝ දෙනාට හෝ තාක්ෂණික දැනුම අඩු පිරිසට QR ලියාපදිංචි කිරීම පහසු කාර්යයක් නොවේ.
ඒ හේතුවෙන් බොහෝ දෙනා කාර්යාලයකින් කාර්යාලයකට යමින් විසඳුමක් සොයමින් අවසානයේදී අසරණ තත්ත්වයට පත්ව සිටිනවා.
මෙවැනි තත්ත්වයක් රටක පාලනය තුළ දිගටම පැවතීම යහපත් සංවර්ධන සංස්කෘතියකට අදාළ නොවේ.
රජය ගත යුතු වැදගත් පියවර
මෙම ගැටලුවට ඉක්මන් හා ප්රායෝගික විසඳුමක් ලබාදීම සඳහා රජය පහත පියවර ගැනීම කාලෝචිතය.
1. QR ලියාපදිංචි කිරීම සඳහා විශේෂ සේවා මධ්යස්ථාන
දිස්ත්රික්ක හෝ ප්රාදේශීය ලේකම් කාර්යාල මට්ටමින් ජනතාවට පහසුවෙන් සේවාව ලබාගත හැකි මධ්යස්ථාන පිහිටුවීම.
2. වාහන ලියාපදිංචි කිරීමේ ස්ථානවල QR යාවත්කාලීන සේවාව
වාහන නව ලියාපදිංචිය සිදු කරන අවස්ථාවේම QR කේතයද එම ස්ථානයේදී ලබාදීම.
3. ශක්තිමත් දුරකථන සහ තාක්ෂණික සහාය සේවාව
ජනතාවට උපදෙස් ලබාදෙන මධ්යස්ථානයක් පැය 24 පුරා ක්රියාත්මක කිරීම.
4. අන්තර්ජාලය නොමැති ජනතාවට මනුෂ්ය සහාය
Online පද්ධතියට පමණක් සීමා නොවී, කාර්යාල මට්ටමින් සෘජු ලියාපදිංචි ක්රමයක් හඳුන්වාදීම.
තවද ජනතාවගේ දෛනික ජීවිතයට බලපාන මෙවැනි ගැටලු සඳහා ඉක්මන් විසඳුම් ලබාදීම රජයක වගකීමකි. එය නිසි ලෙස සිදු කළහොත් රජය පිළිබඳ ජනතාවගේ විශ්වාසයද ශක්තිමත් වනු ඇත.
ඒ නිසා, ගරු ජනාධිපති අනුර කුමාර දිසනායක මහතාගේ අවධානය මේ පිළිබඳව යොමු කරමින්, QR පද්ධතිය ජනතාවට සැබෑ අර්ථයෙන් පහසු සේවාවක් බවට පත් කරන ප්රායෝගික පියවර ගන්නා ලෙස අප මෙම කතුවැකිය මඟින් ආයාචනා කරමු.
ආචාර්ය එම්.එම්. සෆාන්
Chief Editor
BBC Mirror Media / Asian News Pulse
www.bbcmirror.com
www.bbcmirror.lk
www.bbcmirrormedia.com
www.bbcmirrormedia.org
www.asianewsplusone.com
www.sfmnewslk.com
www.Lankawebnews.lk
www.ceylonwebrepoter.com
www.ceylonwebnews.com
https:/ www.instagram.com/bbcmirror_media_?igsh=MW5seTc0eW1yYmVsNw%3D%3D&utm_source=qr