අධිවේගී මාර්ගයේ ධාවනය කරන සියලුම වාහනවල රියැදුරන් සහ මගීන් ආසන පටි පැළදීම අද සිට අනිවාර්ය බව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යංශය පවසයි.
එහි මාර්ග ආරක්ෂාව පිළිබඳ ජාතික සභාවේ සභාපති මංජුල කුලරත්න මහතා පැවසුවේ , කෙසේ වුවද පාසැල් බස් රථ, කාර්යාල සේවා ප්‍රවාහන බස්රථ, විනෝද චාරිකා බස් රථ සහ අනෙකුත් බස් රථ සඳහා ආසන පටි සැකසීමට මාස 3 ක පමණ කාලයක් ලබාදී ඇති බවයි.
ඉදිරියේදී දුරගමන් සේවා බස් රථ සඳහා ද ආසන පටි පැළදීම අනිවාර්ය කිරීමට සැලසුම් කර ඇතැයි අමාත්‍ය බිමල් රත්නායක මහතා සඳහන් කළේ ය